Məlum olduğu kimi fövqəladə vəziyyət elan olunan Gürcüstanda martın 31-dən etibarən axşam saat 21:00-dan səhər saat 06:00-dək kamendant saatı da tətbiq olunmaqdadır. Bu müddət ərzində bütün ölkə ərazisində piyada və avtomobillərin hərəkəti tam qadağan olunur, əməl etməyənlər isə cərimə olunurlar.
24News.ge xəbər portalına müsahibə verən, Gürcüstan Müsəlmanları İdarəsinin Şeyxi Hacı Ramin İgidov bildirdi ki, Ramazan ayında məscidlərdə Sabah azanı kamendant saatına düşdüyündən bu sahədə Gürcüstan Müsəlmanları İdarəsinin adından aidiyyatı dövlət qurumlarına müraciət edilib, siyahı təqdim edərək müəyyən din xadimlərinin piyada və ya öz maşını ilə azan vermək üçün məscidə getmələri istənilmişdir. Bu istək artıq məqbul hesab olunuğundan öncədən adları təqdim olunan şəxslər istisnalıq tanınaraq azan vermək üçün məscidə maniəsiz gedib gələ biləcəklər.
Şeyx onuda qeyd edib ki, hər zaman olduğu kimi bu müddət ərzində də möminlərin məscidlərdə tək ibadət etmələri üçün məscidlərin qapısı açıq olacaqdır.
